Local News

Honest SM Supermarket Bagger Returns iPad to Shopper.

An honest SM Supermarket bagger recently returned the ‘iPad’ of one shopper. Cedie Doronila Lumbayan of Brgy. Tabucan in Dumangas immediately turned over the item which was eventually returned to its owner. The story of the honest bagger circulated online via a social media post by local media outlet, RMN Iloilo.

“Salamat, honest ‘bagger’ sang SM supermarket Iloilo City! Gusto ko lang i-share ang experyensya ko subong nga hapon, Nobyembre 6, 2020 bangud dapat mahibalu-an sang tanan nga madamu ang mga honest Ilonggo sa panahon sang kapigadohon dala sang pandemya. Sa sobra nga dali-dali bangud nagsingit lang sa pagbayad sang mga bills kag ulayhon grocery sa pihak sang kasaku-on, nabilin ko ang Ipad sa cart malapit sa hagdan antes magguwa sa exit door sang SM City Iloilo.

Nakaabot na kami sa balay kag nagapapanaug sang mga groceries sa salakyan sang natalupangdan nga wala ang Ipad. Dali-dali kami nagbalik sa SM City kag nagdirekta si misis sa baggage counter sang Supermarket samtang ako ang nagkadto sa mga security guards sa exit door nga amon gin-agyan. Dugay-dugay, nagtawag siya nga nakita ang Ipad kag gin-turnover sang ‘bagger’ sa baggage counter.

Amon ginpangayo ang pangalan sang bagger kag ginhatag man sang mga empleyada sang SM Supermarket ang pangalan ni Cedie Doronila Lumbayan sang brgy. Tabucan, Dumangas, Iloilo. Ginpangita namon si Cedie nga sadtong ti-on masaku sa pagtrabaho kag personal nga ginpasalamatan. Makita sa iya hitsura nga nagayuhum ang mamag-an nga panimu-ot.

Sekreto ko nga ginduhol ang P1,000 nga nabilin sa akon coin purse agud iya ibakal sang pamahaw kag bilang pagpakita sang pag-aprisyar sa iya maayong kabubut-on apang gilayon niya ini nga ginbalibadan dala hambal nga “indi na sir kinahanglan, obligasyon ko ina nga ibalik ang akon nakita.” Salamat, Sir Cedie Doronila Lumbayan! Saludo kami sa pagka-honest mo! – Emerson Labrillaso, RMN Iloilo.”

Leave a Reply

This site uses Akismet to reduce spam. Learn how your comment data is processed.