Local News

MORE Power Sends Personnel to Cebu and Bohol

MORE Power Cebu and Bohol

MORE Power Sends Personnel to Cebu and Bohol: More Electric and Power Corporation (MORE Power Iloilo) sends 40 personnel to aid in operations in Cebu and Bohol, mainly in repairing damaged electric distribution facilities. It may be recalled that the areas have been badly hit by typhoon Odette. Personnel sent include linemen and customer care, vehicles were also dispatched to aid in repairing electrical posts. Read official statement:

MORE Power, nagpadala man sang personnel sa Cebu kag Bohol: Nag-abot na subong nga adlaw sa Cebu kag Bohol ang halos 40 ka mga personnel sang MORE Power Iloilo agud magbulig sa pagkay-o sang mga nagkalaguba nga electric distribution facilities sa nasambit nga mga probinsya.

Ini sila ginalakipan sang mga linemen, customer care kag mga salakyan nga pagagamiton sa pag ilis kag pagpatindog sang mga poste kag linya sang kuryente. 20 ka mga personnel ang naassigned sa Visayas Electric Company (VECO) kag 17 ang nagdiretso sa Bohol Electric Cooperative (BOHECO).

Ini sila ang mga personnel nga nangin kabahin man sang halos isa ka bulan nga pagbulig sa Negros Occidental Electric Cooperative kag Central Negros Electic Cooperative matapos nga nag agi ang supertyphoon Odette sang Disyembre 17, 2021.

Magalawig naman sila sang isa ka bulan sa Cebu kag Bohol nga sa subong halos 70% pa lang ang naibalik nga supply sang kuryente sa mga konsumidor. Ini kabahin sang Task Force Kapatid project sang Department of Energy, National Electrification Administration kag Philippine Rural Electric Cooperative Association.

Leave a Reply

This site uses Akismet to reduce spam. Learn how your comment data is processed.